Хангамж үйлчилгээний төвөөс зохион явуулсан “Эрүүл хүнс- Эрүүл хүүхэд” өдөрлөгт оролцлоо

Хангамж үйлчилгээний төвөөс зохион явуулсан “Эрүүл хүнс- Эрүүл хүүхэд” өдөрлөгт оролцож, цэцэрлэгт хүнс нийлүүлэгч, үйлдвэрлэгч компаний бүтээгдэхүүн үйлчилгээтэй танилцан санал хүсэлтээ илэрхийллээ. Мөн нярав Ч.Сугарсүрэн шилдэг няраваар шалгаран, өргөмжлөл гарын бэлгээр шагнууллаа.

Бүх нийтийн цэвэрлэгээ боллоо

2015 оны 10 дугаар сарын 17-ны өдрийн бүх нийтийн цэвэрлэгээг 9-11 цагийн хооронд нийт 28 ажилтан оролцож, хуваарьт газар болох Петровисын хажуугийн жалганаас уруудан 500 м талбайн хогийг цэвэрлэн 12 шуудай  хог цэвэрлэлээ.

2015 оны 10 дугаар сарын 09-ний өдөр Соёл урлагийн ордны өмнөх табайд “Ногоон харш” ХХК-иас зохион байгуулсан өргөтгөсөн худалдаанаас 5 ширхэг 25,000 төгрөгний улайс мод худалдан авч 10 дугаар сарын 10-ны өдөр “Шинэ Налайх” цэцэрлэгт хүрээлэнд нийт багш, ажилтнууд идэвхитэй оролцон хуваарьт газраа тарилаа.

Ахмадуудад хүндэтгэл үзүүлээ

Ахмадын баярыг тохиолдуулан цэцэрлэгээс тэтгэвэрт гарсан 10 ахмадыг 2015 оны 10 дугаар сарын 02-ны өдөр хүлээн авч хүндэтгэл үзүүллээ.

Дэлхийн багш нарын өдөр, Монгол улсын багш нарын 49 дэх өдрөөр багш, туслах багш нар энгэрээ мялаалаа

Дэлхийн багш нарын өдөр, Монгол улсын багш нарын 49 дэх өдрөөр баярын хуралд оролцож, арга зүйч Д.Даваахүү НБГ-ын “Шилдэг ажилтан цол тэмдэг”-ээр шагнууллаа.  Багш нарын баярыг тохиолдуулан Монголын залуучуудын холбооны “Хөдөлмөрийн алдар” алтан медалиар багш Б.Мядагсүрэн, туслах багш Ж.Оюунтүхүүр, “Тэргүүний залуу” алтан медалиар  туслах багш Ч.Саранчимэг, Монголын Сурагчдын Холбооны “Манлай багш” алтан медалиар багш Х.Нарантуяа, А.Сауле нар тус тус ажил хөдөлмөрөө үнэлүүлэн шагнууллаа.

Эцэн эхийн оролцоотой анги бүлгийн тохижилт хийгдэж байна

Ахлах А, бага бүлгийн аавууд хамтран бүлгийн угаалгын өрөөнд ариун цэврийн хэрэглэгдэхүүний тавиур өлгүүр хийлээ. 

       

Бага бүлгийн Булгантамирын гэр бүлээс бүлгүүдийн хүлээн авах өрөөнд 6 ш сандап хийж туслалцаа үзүүллээ.

Багш Б.Эрдэнэсувд, туслах багш Загдаа нар унтлагын хувцас, цагаан хэрэглэлийн уут, туслах багш Ч.Саранчимэг, Ж.Оюунтүлхүүр, Чанцалдүүрий нар ариун цэврийн хэрэгсэлийн өлгүүр тавиур, Оюунтүлхүүр аяга тавагны өрөөнд шкаф шинээр санаачлан хийлээ.

Эмч Л.Рэнцэнханд “Эрүүл мэндийн боловсрол олгох” сургалтын зохион явууллаа

Томуугийн халдварт өвчин их байгаатай холбогдуулан  эмч Л.Рэнцэнханд “Эрүүл мэндийн боловсрол олгох” сургалтын хөтөлбөрийг боловсруулан, “Гар угаах арга”, “Гэдэсний халдварт өвчнөөс урьдчилан сэргийлэх нь”  сэдэвт сургалтыг ахлах Б, бэлтгэл А, Б, бүлгүүдийн 90 гаруй эцэг эхчүүдэд зохион байгууллаа.

“Эцэг эхийн нэг өдөр” нээлттэй ажил зохион байгууллаа.

2015 оны 09 дүгээр сарын 29-ний өдөр “Эцэг эхийн нэг өдөр” нээлттэй ажил зохион  байгууллаа. Анги бүрт 7 ээжүүд туслалцан ажиллаж, бүлгийн туслах багштай хамтран, хүүхдүүдийг унтуулах, босгох, нүүр гарыг нь угаалгах, ор дэрийг хураах, хүүхдүүдийг цайлах, таралт тоглоомын  үйл ажиллагаанд оролцлоо. 

Сургалтын төвүүдийг шинээр хийж анги бүлгээ тохижуулж байна.

Сургуулийн өмнөх боловсролын сургалтын Цөм хөтөлбөрийн хүрээнд хүүхдүүдийн тоглонгоо сургах зорилгоор бүлэг бүр сургалтын төвүүдийг шинээр хийж анги бүлгээ тохижуулж байна.Тухайлбал: багш К. Батцэцэг бүлэгтээ хичээлийн хэрэгсэлийн тавиур, багш Б.Мядагсүрэн эцэг эхчүүдтэй хамтран гал тогоо, үсчин сэдэвт тоглоомын төв амрах буйдан, Х.Нарантуяа урлагийн тайз шинээр хийлээ.

Налайх дүүргийн СӨБ-д хамрагдаагүй хүүхдүүдийн дунд явагдаж буй Зайны сургалтын нээлтийн үйл ажиллагаа боллоо.